Acronis forcon pozicionin udhëheqës në reziliencën kibernetike të teknologjive operacionale (OT)

Aftësitë unike në sigurinë e teknologjive operacionale konfirmojnë adoptimin në rritje nga prodhuesit OEM.

PRAGË, 19 mars 2025 – Kompania Acronis, një lider global në sigurinë kibernetike dhe mbrojtjen e të dhënave, vazhdon të forcojë pozicionin e saj si lider në garantimin e reziliencës kibernetike së teknologjive operacionale (OT) dhe po fiton gjithnjë e më shumë terren në segmentin e prodhuesve OEM. Falë teknologjive inovative, partneriteteve strategjike me OEM-të dhe kërkesës në rritje nga organizatat industriale, vrulli i Acronis në këtë sektor vazhdon të rritet për shkak të aftësisë së saj për të mbrojtur mjediset kritike OT dhe për të rikthyer produktivitetin. Gjatë tre viteve të fundit, Acronis ka regjistruar një rritje prej 82% të numrit të vendosjeve në mjediset OT, duke forcuar pozicionin e saj si një ofrues i besueshëm i teknologjive OT.

Ndër përfitimet kryesore të zgjidhjes Acronis Cyber Protect për mjediset OT janë funksionalitete thelbësore, si rikuperimi i shpejtë i sistemeve OT me një klikim, planet e personalizueshme të kopjeve rezervë dhe integrimi i mjeteve të palëve të treta. Falë rikuperimit me një klikim, organizatat mund të rikthejnë shpejt sistemet pa pasur nevojë për një ekspert IT në vend, duke minimizuar kohën e ndërprerjes dhe duke siguruar funksionim pa pengesa.

Raportet e fundit nga analistë të pavarur të kompanive TAG Infosphere dhe Omdia konfirmojnë pozicionin udhëheqës të Acronis në reziliencën kibernetike OT. Këto raporte e vlerësojnë zgjidhjen Acronis Cyber Protect, të krijuar për mjediset OT, si një paketë gjithëpërfshirëse mjetesh e projektuar për të minimizuar ndërprerjet dhe për të siguruar vazhdimësinë e operacioneve.

Funksionet kryesore të zgjidhjes Acronis Cyber Protect për mjediset OT përfshijnë:

• Rikuperim me një klikim: U mundëson përdoruesve të rikthejnë plotësisht sistemet pa mbështetje të kualifikuar IT, duke garantuar rikuperim të shpejtë dhe efikas. Ky funksion vetëshërbimi është veçanërisht i rëndësishëm në ambiente pa personel IT dhe në sisteme të izoluara, ku mjetet e menaxhimit në distancë nuk mund të përdoren për rikuperim.
• Rikuperim i shpejtë: Mundëson rikthim të shpejtë për të shmangur ndërprerjet e kushtueshme dhe për të minimizuar kohën e ndërprerjes. Sistemet mund të rinisen dhe të vihen në punë edhe gjatë procesit të rikuperimit.
• Kopje rezervë të pandryshueshme: Kopje të plota të imazheve të diskut të pajisura me funksion që parandalon çdo ndryshim të të dhënave të kopjuara dhe me mundësi instalimi në çdo pajisje hardware.
• Rikuperim universal: Mbështetje për sistemet e vjetra, përfshirë ato me mbështetje për Windows XP, me rikuperim opsional në hardware pa sistem operativ.
• Rikuperim nga katastrofat (DR): Rikuperim i automatizuar nga katastrofat, i thjeshtë edhe për përdoruesit joteknikë, me skanim kundër malware.
• Menaxhimi i sigurisë: Mbron infrastrukturën OT përmes funksioneve të kopjeve rezervë forenzike, të cilat thjeshtojnë pajtueshmërinë me rregulloret, hetimin e incidenteve dhe integrimin me mjetet e palëve të treta.
• Sovraniteti i të dhënave: Fleksibilitet dhe kontroll mbi vendndodhjen e ruajtjes së kopjeve rezervë për të siguruar pajtueshmërinë me rregulloret, në nivel lokal ose në qendrat e të dhënave Acronis Cyber Cloud të zgjedhura nga përdoruesi.

Acronis ka krijuar partneritete intensive dhe afatgjata me prodhuesit OEM dhe është bërë zgjidhja e preferuar për kopje rezervë dhe rikuperim për furnizuesit kryesorë të automatizimit industrial në prodhim, kujdes shëndetësor dhe energjetikë, duke përfshirë kompanitë ABB, Emerson, Schneider Electric, Rockwell Automation dhe të tjera. Zgjidhja Acronis Cyber Protect gjithashtu i ndihmon këta prodhues të përmbushin kërkesat kryesore rregullatore, si NIS2 dhe ISA/IEC 62443.

“Jeta jonë e përditshme varet nga teknologjitë operacionale – ato furnizojnë me energji shtëpitë dhe zyrat tona, mundësojnë funksionimin e institucioneve shëndetësore dhe prodhojnë materiale e mallra. Prandaj, disponueshmëria, siguria dhe besueshmëria e sistemeve OT janë thelbësore. Mundësia për t’i rikthyer sistemet me një klikim nga përdorues pa përvojë të detajuar në IT ndihmon në minimizimin e kohës së ndërprerjes dhe ndërprerjeve të shërbimeve,” tha Gajdar Magdanurov, president i Acronis. “Rritja jonë e vazhdueshme në segmentin e sigurisë së teknologjive OT, së bashku me partnerët tanë, forcon vlerën që sjellim për mbrojtjen e këtyre mjediseve kritike. Presim të zgjerojmë më tej bashkëpunimin me organizatat OEM dhe të përmirësojmë aftësitë tona, në mënyrë që të vazhdojmë të mbetemi një furnizues udhëheqës në fushën e reziliencës kibernetike OT.”