GFI Software prezantoi versionin beta të produktit të saj të ri GFI OneConnect
GFI OneConnect Beta siguron mbrojtje të avancuar dhe vazhdimësi të e-mailit
PRAGË, 21 nëntor 2016 – Kompania GFI Software, ofrues i zgjidhjeve të sigurisë në rrjetet e ndërmarrjeve, prezantoi GFI OneConnect Beta, versionin beta të platformës së saj më të re cloud për garantimin e sigurisë dhe vazhdimësisë së postës elektronike të ndërmarrjeve. GFI OneConnect Beta u mundëson administratorëve të IT-së të mbrojnë infrastrukturën e ndërmarrjes nga spam-i, viruset, kërcënimet malware dhe ndërprerjet e trafikut të e-mailit.
Zgjidhja e re filtron spam-in dhe eliminon kërcënimet nga viruset që vijnë përmes komunikimit me e-mail duke përdorur dy motorë antivirus dhe mekanizma të avancuar për zbulimin e spam-it. Për më tepër, në rast të ndërprerjes së zgjidhjes on-premise Exchange Server, GFI OneConnect mund të marrë përsipër funksionin e dërgimit dhe pranimit të e-mail-eve deri në zgjidhjen e problemit, pa humbur e-mail-e të rëndësishme ose pa shkaktuar asnjë ndërprerje të funksionimit. Ky kombinim i sigurisë së e-mailit, vazhdimësisë së biznesit dhe rikuperimit nga katastrofat do t'u ofrojë ndërmarrjeve dhe administratorëve të IT-së përfitime të rëndësishme në fushën e mbrojtjes së postës elektronike.
„Sigurimi i funksionimit të sigurt dhe të pandërprerë të e-mailit është ndër prioritetet më të larta të departamenteve të IT-së në ndërmarrje,“ tha Joe Kern, drejtor i integrimit të produkteve në GFI Software. „Për ta arritur këtë, kemi shfrytëzuar know-how-në dhe përvojën tonë të fituar si në zhvillimin e produkteve on-premise ashtu edhe të atyre cloud, dhe kemi krijuar një zgjidhje hibride që mundëson garantimin e disponueshmërisë së lartë të shërbimeve të e-mailit.“
Versioni GFI OneConnect Beta është tashmë i disponueshëm, ndërsa versioni përfundimtar i zgjidhjes do të dalë në treg në fillim të vitit 2017, së bashku me detajet e produktit dhe listën e çmimeve. Në të ardhmen planifikohet gjithashtu zgjerimi i platformës GFI OneConnect me shërbime të tjera e-maili, duke përfshirë për shembull arkivimin e postës elektronike të ndërmarrjeve.
Versioni provë plotësisht funksional 30-ditor i GFI One Connect Beta mund të provohet në www.gfi.com/oneconnect.
Autori i artikullit: Redaksia ZEBR.ai
