Ventos përdor zgjidhjet Kerio

Zgjidhjet sigurojnë një nivel të lartë sigurie dhe komoditeti në punë 

PRAGË, 9 maj 2018 – Kompania GFI Software,ofrues i zgjidhjeve për sigurinë e rrjeteve të biznesit, njoftoi se kompaniaVentos, ofrues i produkteve dhe shërbimeve në sektorin e ventilimit, përdor me sukses zgjidhjet Kerio Control dhe Kerio Connect, për të garantuar sigurinë e infrastrukturës së saj IT dhe punën fleksibël të punonjësve brenda kompanisë dhe në terren. Zgjidhjet u ofruan nga kompania FiMa, partnere e GFI Software në tregun çek.

Si kompani prodhuese, Ventos përpunon një sasi të madhe të dhënash të rëndësishme, të cilat i përdor në kuadër të infrastrukturës së saj IT ose i komunikon me partnerët dhe klientët e saj. Funksionimin e të gjithë kompanisë e mbështet mjedisi i virtualizuar VMware, ku funksionojnë serverët individualë dhe shërbimet shtesë – teknologjitë e informacionit përshkojnë të gjithë ciklin e produktit, nga projekti te programimi i makinave CNC, prodhimi dhe realizimi i vetë porosisë.

Me produktet Kerio, kompania Ventos ka rritur ndjeshëm nivelin e sigurisë si të komunikimit me e-mail, ashtu edhe të mbrojtjes së infrastrukturës IT.  Rrjeti VPN i enkriptuar u mundëson gjithashtu projektuesve dhe konstruktorëve të punojnë edhe nga shtëpia. Konfigurimi i tunelit Kerio VPN në kuadër të Kerio Control është shumë i thjeshtë, ofron lidhje të fuqishme rrjeti dhe gjithashtu mundëson lidhjen e pajisjeve celulare.

Ndërsa Kerio Connect u mundëson përdoruesve, siç janë shitësit në udhëtim, mbikëqyrësit në kantierë dhe punonjës të tjerë jashtë selisë së kompanisë, të komunikojnë në çdo kohë dhe nga kudo me ndihmën e telefonit inteligjent, tabletit etj. Ai u ofron përdoruesve mundësinë të përdorin klientë të ndryshëm të preferuar të e-mailit dhe qasje të lehtë në postë përmes një ndërfaqeje intuitive në internet.

„Si shitës, kemi përvojat më të mira me produktet Kerio te klientët tanë, si në fushën e sigurisë, ashtu edhe të komoditetit për përdoruesit. Prandaj i rekomanduam kompanisë Ventos, me të cilën bashkëpunojmë prej më shumë se 20 vitesh, Kerio Control dhe Kerio Connect,“ tha Martin Stárek nga kompania FiMa. „Duke pasur parasysh fokusin e saj, klienti vlerëson ndër të tjera funksionalitetin që garanton se në kompani nuk mund të dërgohet asnjë skedar i ekzekutueshëm në një arkiv, i cili mund të rrezikonte potencialisht të dhëna të rëndësishme.“

Kompania Ventosofron shërbime të plota në fushën e ngrohjes, rikuperimit të nxehtësisë, ventilimit dhe ajrit të kondicionuar me çelësa në dorë, nga projekti deri te realizimi. Ventos merret me veprimtari projektimi dhe inxhinierike, si edhe me vetë realizimin e projekteve të propozuara në fushën e ventilimit dhe ajrit të kondicionuar. Pjesë e organizatës janë departamenti i zhvillimit dhe punishtet përkatëse të prototipave dhe montimit; natyrisht ofrohet shërbim në garanci dhe pas garancisë në nivel të lartë teknik. Aktualisht kompania ka më shumë se 150 punonjës. Më shumë informacion mund të gjendet në www.ventos.cz.

Rreth kompanisë FIMA

Kompania FiMA specializohet në menaxhimin e sistemeve IT, siguron furnizimin e sistemeve të plota (kabllime, kompjuterë, serverë, makina kopjimi dhe materiale harxhuese) dhe më pas ofron mbështetje për përdoruesit e tyre. Në rast avarie, u garanton klientëve ndërhyrje të shpejta shërbimi. Që nga fillimi i veprimtarisë së saj në vitin 1996, ajo ka krijuar tashmë një bazë të qëndrueshme klientësh në sektorin e kompanive të vogla dhe të mesme.